(ISIS)៖ ក្រុមឧទ្ទាម ISIS បានកំណត់យកយន្តហោះដឹកអ្នកដំណើររបស់អង់គ្លេស ជាគោលដៅវាយប្រហារ ប៉ុន្តែនៅនាទីចុងក្រោយក៏បានជ្រើសរើសយកយន្តហោះដឹកអ្នកដំណើររុស្ស៊ីជំនួសវិញ ដើម្បីជាការសងសឹងដែលរុស្ស៊ីវាយប្រហារទីតាំងមូលដ្ឋានទ័ពរបស់ខ្លួននៅក្នុងប្រទេសស៊ីរី នេះបើយោងតាមការចុះផ្សាយរបស់នៅលើទំព័រទស្សនាវដ្ដីអនឡាញរបស់ក្រុម ISIS។
នៅក្នុងទំព័រទស្សនាវដ្ដីអនឡាញរបស់ ISIS ក៏បានបញ្ជាក់ផងដែរថា នៅពេលនេះពួកគេបានត្រៀមខ្លួនរួចជាស្រេចក្នុងការវាយប្រហារបណ្ដាប្រទេសនៅលោកខាងលិច ដើម្បីជាការសឹងដល់អាមេរិកដែលបានវាយប្រហារខ្លួនតាមដែនអាកាស ហើយក្នុងនោះអង់គ្លេសក៏ជាគោលដៅសំខាន់មួយផងដែរ។
គួរបញ្ជាក់ផងដែរថា យន្តហោះដឹកអ្នកដំណើររុស្ស៊ីបានធ្លាក់នៅក្នុងតំបន់ Sinai ប្រទេសអេហ្ស៊ីប កាលពីថ្ងៃទី៣១ ខែតុលា បណ្ដាឲ្យមនុស្សស្លាប់ ២២៤នាក់ ដោយក្នុងនោះសុទ្ធសឹងតែជាជនជាតិរុស្ស៊ី៕