(ម៉ាលី)៖ យោងតាមការចេញផ្សាយរបស់សារព័ត៌មាន BBC និង Reuters នៅមុននេះបន្ដិចបានឲ្យដឹងថា មានករណីខ្មាន់កាំភ្លើងបានបើកការវាយប្រហារទៅលើសណ្ឋាគារមួយកន្លែងនៅក្នុងរដ្ឋធានី Bamako នៃប្រទេសម៉ាលី ហើយតាមការអះអាងរបស់សាក្សីនៅកន្លែងកើតហេតុបានឲ្យដឹងថា ខ្មាន់កាំភ្លើងបានចាប់មនុស្សជាច្រើននាក់ធ្វើជាចំណាប់ខ្មាំង។
Update ព័ត៌មាន៖
* ក្រុមហ៊ុនអាកាសចរណ៍ Air France បានលុបចោលជើងហោះហើរពីទីក្រុងប៉ារីស មកកាន់ទីក្រុង Bamako បន្ទាប់ពីមានករណីវាយប្រហារ និងចាប់ចំណាប់ខ្មាំង ពីសំណាក់ក្រុមខ្មាន់កាំភ្លើង។
* ចំណាប់ខ្មាំង ៨០នាក់ត្រូវបានដោះលែង បន្ទាប់ពីមានប្រតិបត្តិការពីកងកម្លាំងពិសេស នេះបើយោងតាមការចុះផ្សាយរបស់ AFP។
* រដ្ឋាភិបាលឥណ្ឌា បានឲ្យដឹងថា ក្នុងចំណោមចំណាប់ខ្មាំងទាំង ១៧០នាក់ មានជនជាតិឥណ្ឌា ២០នាក់។
* កងកម្លាំងសន្តិសុខបានបញ្ជាក់ថា ចំណាប់ខ្មាំង ២០នាក់ត្រូវបានដោះលែង នេះបើយោងតាមការចុះផ្សាយរបស់ AP។
* ក្នុងចំណោមអ្នកស្លាប់ទាំង ៣នាក់ ត្រូវបានគេដឹងថា មានជនជាតិម៉ាលីពីរនាក់ និងបារាំង០១ម្នាក់។
* យ៉ាងហោចណាស់មានមនុស្ស ៣នាក់បានស្លាប់ ក្នុងករណីវាយប្រហារនៅសណ្ឋាគារ Radisson Blu hotel ក្នុងទីក្រុង Bamako ប្រទេសម៉ាលី នេះបើយោងតាមការចេញផ្សាយរបស់ CNN នៅមុននេះបន្ដិច។
* ទីភ្នាក់ងាយសារព័ត៌មានចិនស៊ិនហួ បានចុះផ្សាយថា ក្នុងចំណោមចំណាប់ខ្មាំង ១៧០នាក់ មានជនជាតិចិន ៧នាក់។
* រដ្ឋាភិបាលបារាំងបានឲ្យដឹងថា នៅក្នុងចំណោមចំណាប់ខ្មាំងទាំង ១៧០នាក់នោះ ក៏មានពលរដ្ឋបារាំងផងដែរ។
* ក្រុមហ៊ុនអាកាសចរណ៍តួកគី បានឲ្យដឹងថា ក្នុងចំណោមចំណាប់ខ្មាំងទាំងអស់ មានបុគ្គលិករបស់ខ្លួនចំនួន ៦នាក់។
* យោងតាមការចេញផ្សាយរបស់ Reuters បានឲ្យដឹងថា ចំណាប់ខ្មាំងមួយចំនួនត្រូវបានដោះលែង។
* មានសន្ដិសុខ ២នាក់ បានរងរបួស បន្ទាប់ពីមានករណីវាយប្រហារពីក្រុមខ្មាន់កាំភ្លើង នៅក្នុងទីក្រុង Bamako ប្រទេសម៉ាលី នេះបើយោងតាមការបញ្ជាក់ពីប្រធានសន្ដិសុខសណ្ឋាគារ Radisson។
* ក្នុងចំណោមចំណាប់ខ្មាំងទាំង ១៧០នាក់ មានភ្ញៀវ ១៤០នាក់ និងបុគ្គលិក ៣០នាក់។
* ខ្មាន់កាំភ្លើង បានចាប់ភ្ញៀវ និងបុគ្គលិកនៅក្នុងសណ្ឋាគារ ប្រមាណជា ១៧០នាក់ ធ្វើជាចំណាប់ខ្មាំង។
* ស្ថានទូតអាមេរិកប្រចាំប្រទេសម៉ាលី អំពាវនាវឲ្យពលរដ្ឋខ្លួនមានការប្រុងប្រយ័ត្ន ក្រោយពេលមានខ្មាន់កាំភ្លើងវាយប្រហារសណ្ឋាគារក្នុងក្រុង Bamako។
