(បាម៉ាកូ)៖ លោក Ibrahim Boubacar Keita ប្រធានាធិបតីម៉ាលី សម្រេចប្រកាសដាក់ប្រទេសក្នុងភាពអាសន្នរយៈ ពេល ១០ថ្ងៃ ក្រោយពីមានការវាយប្រហារក្នុងសណ្ឋាគារលំដាប់កំពូល Radisson Blu ស្ថិតក្នុងទីក្រុងធំ Bamako នៅរសៀលថ្ងៃសុក្រ ទី២០ ខែវិច្ឆិកា ឆ្នាំ២០១៥ នេះបើយោងតាមសារព័ត៌មាន Reuters ចេញផ្សាយមុននេះបន្ដិច។
ការសម្រេចដាក់ប្រទេសក្នុងភាពអាសន្ន ទាំងកណ្ដាលអាត្រាធ្រនេះ ប្រធានាធិបតី Keita ក៏បានប្រកាសកំណត់យករយៈ ៣ថ្ងៃ ដើម្បីកាន់ទុក្ខផងដែរ ចំពោះមនុស្ស ២១ស្លាប់ និងរបួស៧នាក់ ក្នុងចំណោមមនុស្ស១៧០នាក់ ដែលត្រូវបានខ្មាន់កាំភ្លើងចាប់ជាចំណាប់ខ្មាំងនោះ។
ទន្ទឹមនឹងនោះដែរ រឿងដែលគួរឲ្យខ្លាចមួយទៀត គឺក្រុមឧទ្ទាម Al-Mourabitoun ដែលមានទំនាក់ទំនងជាមួយក្រុមឧទ្ទាមជីហាដ និងអាល់កៃដា បានប្រកាសនៅលើ Twitter ថា «គឺជាទង្វើរបស់ពួកគេ»។
យ៉ាងណាមិញប្រធានាធិបតីអាមេរិក លោក Barack Obama ក៏បានថ្កោលទោសចំពោះទង្វើនេះដែរ ក្រោយពីមានពលរដ្ឋអាមេរិកម្នាក់បានស្លាប់ក្នុងហេតុការណ៍នោះ ហើយអំពាវឲ្យមន្ត្រីទូត និងបុគ្គលិកហាមចេញទៅក្រៅបើពុំមានការចាំបាច់៕
លោក Ibrahim Boubacar Keita ប្រធានាធិបតីម៉ាលី