(ប៉ារីស)៖ ក្រុមប្រឹក្សាសន្តិសុខអង្គការសហប្រជាជាតិ (UN) បានអនុម័តក្នុងការជួយដោះស្រាយ និងឧបត្ថម្ភចំពោះវិបត្តិ ដែលបានកើតឡើងនៅទីក្រុងប៉ារីស ប្រទេសបារាំង និងបានស្នើឲ្យដៃគូពាក់ព័ន្ធចូលរួមប្រយុទ្ធប្រឆាំងនឹង ISIS ផងដែរ។
ក្នុងសេចក្តីថ្លែងការណ៍មួយដែលបានចេញដោយ UN តាមរយៈ AP បានឲ្យដឹងថា «ពិភពលោកទាំងមូលមិនអនុញ្ញាតឲ្យ ISIS គំរាមកំហែងទាំងសន្តិសុខជាតិ និងអន្តរជាតិបន្តទៀតឡើយ នោះមានន័យថា យើងទាំងអស់ត្រូវតែរួមដៃគ្នា ក្នុងការលុបបំបាត់នូវការគំរាមកំហែងមួយនេះ»។
សម្រាប់ UN នេះជាការគំរាមកំហែងលក្ខណៈទ្រង់ទ្រាយធំលើកទី១៤ គិតត្រឹមឆ្នាំ១៩៩៩មក រាប់បញ្ចូលទាំងការបាញ់ ប្រហារនៅទីក្រុងប៉ារីស ដែលបានសម្លាប់មនុស្ស១៣២នាក់ និងរបួសជាច្រើននាក់, ហេតុការណ៍បំផ្ទុះគ្រាប់បែកអត្តឃាត ដែលបានសម្លាប់មនុស្ស ៤៣នាក់នៅទីក្រុង Beirut និងការបំផ្ទុះគ្រាប់បែកទម្លាក់យន្តហោះរុស្ស៊ីដឹកអ្នកដំណើរ ២២៤នាក់ ធ្លាក់ក្នុងទីក្រុង Sinai ប្រទេសអេហ្ស៊ីបផងដែរ ដែលសុទ្ធសឹងតែជាទង្វើរបស់ ISIS ទាំងអស់៕