(លីប៊ឺរ៉ា)៖ លោកស្រី BerniceDahn រដ្ឋមន្ត្រីក្រសួងសុខាភិបាល បានឲ្យដឹងកាលពីថ្ងៃសុក្រម្សិលមិញថា ពិតជាមានករណីនៃជំងឺអេបូឡា ចំនួន៣ករណី កើតឡើងពិតមែន ។
លោកស្រីបានបញ្ជាក់ថា «ករណីថ្មីនេះបានកើតឡើងកាលពីថ្ងៃព្រហស្បតិ៍ ថ្ងៃទី១៩ ខែវិច្ឆិកា នៅពេលដែលយើងទទួលបានលទ្ធផលពីមន្ទីរពិសោធន៍របស់យើងថា វត្ថុវិភាគ ឈាមដែល យកចេញពីអ្នកជំងឺម្នាក់ ហើយលទ្ធផលបង្ហាញថាមានវត្តមានអេបូឡា»។
ជុំវិញករណីផ្ទុះឡើងជំងឺជាថ្មីនេះ ក្រសួងសុខាភិបាល ក៏បានធ្វើការកំណត់អត្តសញ្ញាណ និងធ្វើការទប់ស្កាត់ការទំនាក់ទំនងដើម្បីបញ្ចៀសការឆ្លងជំងឺ ។
សូមបញ្ជាក់ថា វីរុសអេបូឡា បានសម្លាប់មនុស្សអស់ប្រមាណ១១ពាន់នាក់ នៅក្នុងប្រទេស លីប៊ឺរ៉ា ហ្គីណេ សៀរ៉ា លេអុន គិតចាប់តាំងពីខែមីនា ឆ្នាំ២០១៤ ។
សម្រាប់ប្រទេសលីប៊ឺរ៉ា នេះ គឺបានប្រកាសថា មិនមានវត្តមានវីរុសអេបូឡា នៅក្នុប្រទេសរបស់ខ្លួននៅក្នុងខែកញ្ញា កន្លងទៅនេះ ។ ដោយឡែក សៀរ៉ា លេអុន ក៏បានប្រកាសថា មិនមានវត្តមាននៃវីរុសអេបូឡា នៅក្នុងខែកញ្ញាដែរ ខណៈដែលហ្គីណេ ប្រកាសរយៈពេល៤២ហើយ នៃការមិនមានវត្តមានវីរុសបង្ករោគ៕