(កាមេរូន)៖ យ៉ាងហោចណាស់មនុស្ស១០នាក់បានស្លាប់ ក្នុងហេតុការណ៍បំផ្ទុះគ្រាប់បែកអត្តឃាតនៅភាគខាងជើង ប្រទេសកាមេរូន នេះបើយោងតាមសារព័ត៌មាន AP បានឲ្យដឹងមុននេះបន្តិច ។
ហេតុនេះបានកើតឡើងនៅរសៀលថ្ងៃសៅរ៍ ទី២១ វិច្ឆិកានេះ (ម៉ោងនៅកាមេរូន) ស្ថិតក្នុងទីក្រុង Maroua ដែលជាទី កន្លែងធ្លាប់មានការប៉ះទង្គិចគ្នាដែលមានអ្នកស្លាប់ជាង២០នាក់ផងដែរនាពេលកន្លងមក ។
ភ្លាមៗនោះដែរ សមត្ថកិច្ចមិនអាចកំណត់ថា ជាអំពើរបស់ក្រុមណានោះទេ តែក្រុមសកម្មប្រយុទ្ធឥស្លាមមកពីតំបន់ Boko Haram ធ្លាប់បានគំរាមថា នឹងវាយប្រហារប្រទេសកាមេរូននៅក្នុងឆ្នាំនេះ ដោយសារតែកាមេរូន ទទួលបានការ ការគាំទ្រពីសំណាក់កងទ័ពនីហ្សេរីយ៉ា ក្នុងការប្រឆាំងនឹងកងកម្លាំងឥស្លាមពួកគេ ៕
