(សេអ៊ូល)៖ អតីតប្រធានាធិបតីកូរ៉េខាងត្បូងលោក Kim Young-sam ដែលជាមេដឹកនាំចលនាគាំទ្រលទ្ធិប្រជាធិបតេយ្យ បានទទួលមរណភាពក្នុងវ័យ ៨៧ឆ្នាំ ដោយសារជំងឺចាស់ជរា បន្ទាប់ពីបញ្ជូនទៅកាន់មន្ទីរពេទ្យ នេះបើយោងតាមការចុះផ្សាយរបស់ BBC ចេញផ្សាយនៅថ្ងៃទី២២ ខែវិច្ឆិកា។
លោក Kim គឺជាមេដឹកនាំចលនាទាមទារលទ្ធិប្រជាធិបតេយ្យមួយរូប ដែលបានប្រឆាំងនឹងក្រុមយោធា រហូតដល់ត្រូវបានចាប់ខ្លួន និងឃុំឃាំងនៅក្នុងគេហដ្ឋានអស់ជាច្រើនឆ្នាំទៀតផង ប៉ុន្តែក្រោយមក ការទាមទាររបស់លោកបានសម្រេច និងឡើងកាន់តំណែងជាប្រធានាធិបតីកូរ៉េខាងត្បូងនៅចន្លោះឆ្នាំ ១៩៩៣-១៩៩៨៕
