(អាល្លឺម៉ង់)៖ រដ្ឋមន្ត្រីក្រសួងមហាផ្ទៃរបស់ប្រទេសអាល្លឺម៉ង់ លោក Thomas de Maiziere បានឲ្យដឹងថា ពលរដ្ឋអាល្លឺម៉ង់ជាច្រើនបានចាកចេញពីផ្ទះទៅចូលរួមជាមួយនឹងក្រុមអ៊ីស្លាមជ្រុលនិយម ISIS នៅក្នុងប្រទេសស៊ីរី និងអ៊ីរ៉ាក់ ដើម្បីប្រឆាំងនឹងរដ្ឋាភិបាល និងពិភពលោក ប៉ុន្តែនៅពេលនេះ ក៏មានអ្នកខ្លះបានត្រឡប់មកកាន់ផ្ទះរបស់ពួកគេវិញផងដែរ នេះបើយោងតាមការចុះផ្សាយរបស់ RT ចេញផ្សាយនៅថ្ងៃទី២៣ ខែវិច្ឆិកា។
លោករដ្ឋមន្ត្រីរូបនេះ បានបង្ហាញដោយលើកយកតួលេខពីរបាយការណ៍សម្ងាត់ថា មានពលរដ្ឋអាល្លឺម៉ង់ប្រមាណ ៧៦០នាក់ បានចាកចេញពីប្រទេសអាល្លឺម៉ង់ ទៅចូលរួមក្រុម ISIS ប៉ុន្តែនៅឆ្នាំនេះ មានប្រមាណ ២០០នាក់ បានវិញត្រឡប់មកកាន់ទឹកដីកំណើតវិញ និង ១២០នាក់បានស្លាប់នៅក្នុងការធ្វើសង្គ្រាម៕