(ឡុងដ៍)៖ រដ្ឋាភិបាលអង់គ្លេស បានបញ្ជាទិញយន្តហោះច្បាំងថ្មីជាច្រើនគ្រឿង ដើម្បីពង្រឹងផ្នែកយោធា និងដើម្បីចូលរួមវាយប្រហារក្រុម ISIS នៅក្នុងប្រទេសស៊ីរី ដែលគម្រោងនៃការបញ្ជាទិញយន្តហោះចម្បាំងនេះ ត្រូវចំណាយថវិកាប្រមាណ ៣០ពាន់លានដុល្លារអាមេរិក នេះបើយោងតាមការចេញផ្សាយរបស់ BBC នៅថ្ងៃទី២៣ ខែវិច្ឆិកា។
អធិការបតីអង់គ្លេសលោក George Osborne បានបញ្ជាក់ឲ្យដឹងថា យន្តហោះចម្បាំងដែលត្រូវទិញនោះគឺ F35 ចំនួន ២៤គ្រឿង ដែលជាយន្តហោះចម្បាំងដ៏អស្ចារ្យ ហើយនៅក្នុងនោះអង់គ្លេសក៏បានទិញយន្តហោះគ្មានមនុស្សបើក RAF ប្រមាណ ២០គ្រឿងផងដែរ៕