(ម៉ូស្គូ)៖ រដ្ឋាភិបាលនៃប្រទេសរុស្ស៊ី មានគម្រោងដាក់ទណ្ឌកម្មសេដ្ឋីលើប្រទេសតួកគី បន្ទាប់ពីប្រទេសមួយនេះបានបាញ់ទម្លាក់យន្តហោះចម្បាំងរបស់រុស្ស៊ីនៅជិតព្រំដែនប្រទេសស៊ីរី ដោយបានចោទថា យន្តហោះចម្បាំងរុស្ស៊ី បានហោះបំពានដែនអាកាសរបស់ប្រទេសតួកគី នេះបើយោងតាមការចេញផ្សាយរបស់ BBC នៅថ្ងៃទី២៧ ខែវិច្ឆិកា។
នាយករដ្ឋមន្ត្រីរុស្ស៊ី លោក Dmitry Medvedev បានឲ្យដឹងថា ផែនការដាក់ទណ្ឌកម្មសេដ្ឋកិច្ចទៅលើប្រទេសគួកគីនេះ អាននឹងធ្វើឲ្យប៉ះពាល់ដល់កាវិនិយោគរួមគ្នា ប៉ុន្តែរដ្ឋាភិបាលរុស្ស៊ីមិនអាចទទួលយកនូវទង្វើរបស់តួកគីបានឡើយ។
គួរបញ្ជាក់ផងដែរថា យន្តហោះចម្បាំងរុស្ស៊ីប្រភេទ Sukhoi ត្រូវបានបាញ់ទម្លាក់នៅថ្ងៃអង្គារទី២៤ ខែវិច្ឆិកានៅតាមព្រំដែនប្រទេសតួកគី និងស៊ីរី ក្នុងកិច្ចប្រតិបត្តិការកម្ទេចក្រុម ISIS នៅក្នុងប្រទេសស៊ីរី៕