(តូក្យូ)៖ រដ្ឋាភិបាលជប៉ុន បានគម្រោងចល័តទ័ពជើងគោកប្រមាណ ៥០០នាក់ទៅកាន់កោះភាគខាងត្បូងនៃប្រទេស ជាទីកំពុងមានជម្លោះជាមួយប្រទេសចិន នេះបើយោងតាមការចេញផ្សាយរបស់សារព័ត៌មាន Al Jazeera ចេញផ្សាយនៅថ្ងៃទី២៧ ខែវិច្ឆិកា។
អនុរដ្ឋមន្ត្រីក្រសួងការពារជាតិជប៉ុន លោក Kenji Wakamiya បានឲ្យដឹងថា គម្រោងដាក់ពង្រាយទ័ពទៅកាន់កោះ Ishigaki នឹងត្រូវធ្វើឡើងនៅក្នុងពេលឆាប់ៗខាងមុខ ដើម្បីរក្សាសន្ដិសុខក្នុងតំបន់ ប៉ុន្តែសម្រាប់ប្រទេសចិន បានមើលឃើញថា ការចល័តទ័ពនេះគឺវាមិនមែនជារឿងល្អនោះទេ។
បច្ចុប្បន្នរដ្ឋាភិបាលចិនបានបង្កើតប៉ុស្ដិ៍ត្រួតពិនិត្យ និងយាមល្បាតជាច្រើនកន្លែងនៅជុំវិញប្រជុំកោះដែលមានជម្លោះមួយនេះ ដូច្នេះហើយទើបរដ្ឋាភិបាលជប៉ុន ដាក់ពង្រាយទ័ព ដើម្បីត្រៀមខ្លួនការពារជាតិ ទប់ទល់នឹងយោធារបស់ចិន៕