(ញូដេលី)៖ ខ្មាន់កាំភ្លើងបានបើកការបាញ់ប្រហារទៅលើអ្នកកាន់សាសនាមូស្លីមស៊ីអ៊ីត ក្នុងអំឡុងពេលអធិស្ឋានពេលល្ងាច នៅវិហារអ៊ីស្លាមនៅភាគខាងជើងនៃប្រទេសបង់ក្លាដេសដោយបានសម្លាប់ មនុស្សម្នាក់ និងរបួសជាច្រើននាក់ នេះបើយោងតាមការចុះផ្សាយរបស់សារព័ត៌មាន AP ចេញផ្សាយនៅថ្ងៃទី២៧ ខែវិច្ឆិកា។
លោក Mohammed Asaduzzaman មេប៉ូលិសស្រុក Bogra បានបញ្ជាក់ថា ក្រុមខ្មាន់កាំភ្លើងមានគ្នាប្រមាណ ៥នាក់ បានបើកការបាញ់ប្រហារទៅលើវិហារអ៊ីស្លាមក្នុងភូមិ Haripur នាល្ងាចថ្ងៃព្រហស្បតិ៍ ទី២៦ ខែវិច្ឆិកា។
ពាក់ព័ន្ធនឹងការបាញ់ប្រហារនេះ នៅមិនទាន់មានក្រុមខាងណាមួយចេញមុខមកអះអាងថាជាទង្វើរបស់ពួកគេឡើយ៕
