(ម៉ូស្គូ)៖ វិមានក្រឹមឡាំង បានឲ្យដឹងនៅរសៀលថ្ងៃទី២៧ ខែវិច្ឆិកានេះថា ប្រធានាធិបតីតួកគី លោក Recep Tayyip Erdogan បានស្នើសុំជួបជាមួយប្រធានាធិបតីរុស្ស៊ី លោក Vladimir Putin នៅក្នុងទីក្រុងប៉ារីស ប្រទេសបារាំង នេះបើយោងតាមការចេញផ្សាយរបស់សារព័ត៌មាន Reuters ចេញផ្សាយនៅប៉ុន្មាននាទីមុននេះ។
នៅថ្ងៃនេះផងដែរថា លោក Erdogan បានថ្លែងប្រាប់សារព័ត៌មាន CNN ថា ប្រទេសតួកគីនឹងមិនសុំទោសចំពោះការបាញ់ទម្លាក់យន្តហោះរុស្ស៊ីនៅព្រំដែនស៊ីរីនោះឡើយ ផ្ទុយទៅវិញលោកបានបញ្ជាក់ថា រុស្ស៊ីបានរំលោភដែនអាកាសរបស់ខ្លួន ហើយទាហានរបស់ខ្លួនបានបំពេញតួនាទីល្អ ព្រោះទ័ពអាកាសតួកគីបានព្រមានដល់យន្តហោះចម្បាំងរុស្ស៊ីជាច្រើនដង នៅមុននពេលបាញ់ទម្លាក់៕
