(អង់ការ៉ា)៖ ប្រធានាធិបតីតួកគី លោក Recep Tayyip Erdogan បានព្រមានប្រធានាធិបតីរុស្ស៊ី លោក Vladimir Putin ថា «កុំប្រលែងជាមួយភ្លើង» ឆ្លើយតបនឹងការបាញ់ទម្លាក់យន្តហោះរុស្ស៊ី កាលពីពេលថ្មីៗកន្លងទៅនេះ នេះបើយោងតាមសេចក្តីរាយការណ៍របស់ភ្នាក់ងារសារព័ត៌មាន BBC ចេញផ្សាយនៅថ្ងៃទី២៨ ខែវិច្ឆិកា ឆ្នាំ២០១៥។
លោក Putin បានទាមទារឲ្យតួកគី សុំអភ័យទោសចំពោះករណីនេះ ទើបលោកយល់ព្រមចរចាជាមួយលោក Erdogan។ យ៉ាងនេះក្តី រដ្ឋាភិបាល អង់ការ៉ា បានបដិសេធមិនព្រមសូមអភ័យទោសចំពោះរឿងនេះឡើយ ដោយអះអាងថា យន្តហោះរុស្ស៊ីបានបំពានដែនអាកាសរបស់ខ្លួន។
សូមជម្រាបថា ថ្មីៗនេះប្រទេស រុស្ស៊ីបានប្រកាសផ្អាកគោលការណ៍ធ្វើដំណើរដោយគ្មានទិដ្ឋាការជាមួយប្រទេស តួគី ដែលនេះជាវិធានការណ៍សងសឹកថ្មីមួយរបស់រដ្ឋាភិបាលក្រុង ម៉ូស្គូចំពោះគូសត្រូវរបស់ខ្លួន៕