(ញ៉ូវដេលី)៖ រដ្ឋមន្ត្រីការពារជាតិឥណ្ឌា លោក Manohar Parrika នឹងបំពេញទស្សនកិច្ចនៅសហរដ្ឋអាមេរិក នៅសប្តាហ៍នេះ ក្នុងគោលបំណងជម្រុញទំនាក់ទំនងទ្វេភាគីលើវិស័យយោធា នេះបើយោងតាមសេចក្តីរាយការណ៍របស់ទីភ្នាក់ងារសារព័ត៌មានចិន ស៊ិនហួ ចេញផ្សាយនៅថ្ងៃទី២៩ ខែវិច្ឆិកា ឆ្នាំ២០១៥នេះ។
ប្រភព័ត៌មានបានឲ្យដឹងថា រដ្ឋមន្ត្រីការពារជាតិរូបនេះ នឹងធ្វើដំណើរទៅកាន់សហរដ្ឋអាមេរិកនៅថ្ងៃទី០៤ ខែធ្នូ ហើយត្រឡប់មកវីនៅថ្ងៃទី១២ ខែធ្នូ ឆ្នាំ២០១៥ខាងមុខ។
ក្នុងដំណើរទស្សនកិច្ចនេះលោកធ្វើកិច្ចជំនួបជាមួយសមភាគីសហរដ្ឋអាមេរិក លោក Ashton Carter ព្រមទាំងធ្វើការត្រួតពិនិត្យឡើងវិញទៅលើទំនាក់ទំនងផ្នែកបច្ចេកវិទ្យា និងវិស័យការពារជាតិរវាងភាគីទាំងពីរ។
ប្រភពដដែលបានឲ្យដឹងថា ការត្រួតពិនិត្យទៅលើវិស័យអាទិភាពទាំងនេះ ជាជំហានដ៏សំខាន់ឆ្ពោះទៅរកការធ្វើកិច្ចសហប្រតិបត្តិការដើម្បីធ្វើការអភិវឌ្ឍន៍ និងជម្រុញបច្ចេកវិទ្យាយោធាជំនាន់ថ្មីរួមគ្នា៕