(ថៃ)៖ មនុស្ស ២នាក់បានស្លាប់ និង៤៩នាក់ផ្សេងទៀត បានរងរបួសធ្ងន់ស្រាល នៅក្នុងឧប្បទ្ទវហេតុក្រឡាប់រថយន្តក្រុងនៅក្នុងស្រុក Chaiyo ខេត្ត Ang Thong ប្រទេសថៃ នៅព្រឹកថ្ងៃចន្ទនេះ នេះបើយោងតាមការចេញផ្សាយរបស់កាសែតបាងកកប៉ុស្ដិ៍ចេញផ្សាយនៅថ្ងៃទី៣០ ខែវិច្ឆិកា។
លោក Narong Tala-upla មេតម្រួតស្រុក Chaiyo បានឲ្យដឹងថា ឧប្បទ្ទវហេតុក្រឡាប់រថយន្តក្រុងខាងលើ បានកើតឡើងនៅវេលាម៉ោងប្រមាណ ៥៖៣០នាទី ព្រឹក ដោយរថយន្តក្រុងបានធ្វើដំណើរចេញពីខេត្ត Chiang Mai ផ្ទុកអ្នកដំណើរ ៤៨នាក់ និងអ្នកបើកបរម្នាក់ ព្រមទាំងព្រួរថយន្ត២នាក់។
មូលហេតុដែលនាំឲ្យរថយន្តក្រឡាប់ធ្លាក់ផ្លូវនេះ គឺមកពីអ្នកបើកបរថយន្តងងុយដេក ទើបកើតមានករណីបែបនេះកើតឡើង៕