(សេអ៊ូល)៖ រដ្ឋាភិបាលកូរ៉េខាងត្បូង នៅថ្ងៃចន្ទម្សិលមិញនេះ បានដោះលែងអ្នកទោសចំនួន៥៣៨នាក់ បន្ទាប់ពីបានត្រួតពិនិត្យទៅលើអ្នកទោសទាំងនោះ នេះបើយោងការលើកឡើងរបស់រដ្ឋមន្ត្រីកូរ៉េខាងត្បូង ដកស្រង់ដោយសារព័ត៌មាន Yonhap News ចេញផ្សាយនៅថ្ងៃទី៣០ ខែវិច្ឆិកា ឆ្នាំ២០១៥នេះ។
រដ្ឋមន្ត្រីក្រសួងយុត្តិធម៌បានឲ្យដឹងថា អ្នកទោសទាំងនោះ ភាគច្រើនជាអ្នកដែលបានផ្តល់គំរូល្អៗ ក្នុងពេលជាប់ឃុំឃាំង ឬអ្នកដែលបានប្រព្រឹត្តបទឧក្រិដ្ឋដើម្បីដោះស្រាយជីវភាពរស់នៅរបស់ខ្លួន។
សូមជម្រាបថា នេះជាការដោះលែងអ្នកទោសក្នុងចំនួនដ៏ច្រើនមួយ ដែលជាធម្មតាមានត្រឹមតែពី២០០ ទៅ៤០០នាក់តែប៉ុណ្ណោះ។ រដ្ឋមន្ត្រីរបស់រដ្ឋាភិបាលក្រុង សេអ៊ូល បានបញ្ជាក់ថា ការដោះលែងនេះមានចំនួនច្រើនជាងធម្មតាពិតមែន តែយ៉ាងនេះក្តី ក្រសួងមិនមានបំណងធ្វើកំណែទម្រង់លើគោលការណ៍ដែលត្រូវបានកំណត់ទុកនាពេលកន្លងមកនោះទេ៕