(ម៉ូស្គូ)៖ សាកសពរបស់អ្នកបើកបរយន្តហោះចម្បាំងរុស្ស៊ី Su-24 ដែលត្រូវបានបាញ់ទម្លាក់ដោយទាហានតួកគី នៅព្រំដែនស៊ីរី នៅពេលនេះត្រូវបានបញ្ជូនទៅដល់ប្រទេសរុស្ស៊ី នៅបើយោងតាមការចេញផ្សាយរបស់សារព័ត៌មាន RT ចេញផ្សាយនៅថ្ងៃអង្គារ ទី០១ ខែធ្នូនេះ។
មន្ត្រីយោធាជាន់ខ្ពស់រុស្ស៊ី បានឲ្យដឹងថា សាកសពអ្នកបើកបរយន្តហោះចម្បាំង ត្រូវបានបញ្ជូនពីទីក្រុង Ankara ប្រទេសតួកគី មកដល់ទីក្រុងម៉ូស្គូ នៅល្ងាចថ្ងៃទី៣០ ខែវិច្ឆិកាម្សិលមិញនេះ បន្ទាប់ពីរកឃើញនៅព្រំដែនស៊ីរី។
គួរបញ្ជាក់ផងដែរថា យន្តហោះចម្បាំងរុស្ស៊ី ត្រូវបានទាហានតួកគីបាញ់ធ្លាក់នៅព្រំដែនស៊ីរី ក្នុងប្រតិបត្តិការកម្ទេចក្រុម ISIS នៅក្នុងប្រទេសស៊ីរី ដោយបានចោទប្រកាន់ថា យន្តហោះរុស្ស៊ីបានរំលោភដែនអាកាសរបស់ខ្លួន៕