(ម៉ានីល)៖ យន្តហោះចម្បាំងចំនួន ០២គ្រឿង ដែលផលិតឡើងនៅប្រទេសកូរ៉េខាងត្បូង ត្រូវបានបញ្ជូនមកដល់ប្រទេសហ្វីលីពីន តាមការបញ្ជាក់ទិញពីរដ្ឋាភិបាលហ្វីលីពីន ដើម្បីពង្រឹងសមត្ថភាពខាងផ្នែកយោធា ខណៈកំពុងមានជម្លោះដែកទឹកជាមួយប្រទេសចិន នេះបើយោងតាមការចេញផ្សាយរបស់សារព័ត៌មាន Channel News Asia ចេញផ្សាយនៅថ្ងៃចន្ទម្សិលមិញ។
យន្តហោះចម្បាំងប្រភេទ FA-50 ត្រូវបានចុះចតនៅអាកាសយានដ្ឋាន Clark Freeport ដែលជាអតីតមូលដ្ឋានទ័ពអាកាសរបស់សហរដ្ឋអាមេរិក ស្ថិតនៅភាកខាងជើងទីក្រុងម៉ានីល។ តាមពិតទៅរដ្ឋាភិបាលហ្វីលីពីនបានបញ្ជាទិញយន្តហោះចម្បាំងប្រភេទនេះ ចំនួន ១២គ្រឿង ពីប្រទេសកូរ៉េខាងត្បួង ក្នុងតម្លៃ ៤០២លានដុល្លារអាមេរិក ប៉ុន្តែនឹងត្រូវបញ្ជូនមកដល់ប្រទេសហ្វីលីពីនរហូតដល់ឆ្នាំ២០១៧៕
