(សេអ៊ូល)៖ កូរ៉េខាងត្បួងបានផ្ដល់ជំនួយបន្ថែម ១លានដុល្លារអាមេរិក ដល់រដ្ឋាភិបាលអ៊ីរ៉ាក់ដើម្បីជួយដល់ជនភៀសខ្លួន នេះបើយោងតាមការឲ្យដឹងពីរដ្ឋមន្ត្រីក្រសួងការបរទេសកូរ៉េខាងត្បួង និងចុះផ្សាយរបស់ទីភ្នាក់ងារព័ត៌មានយ៉ុនហាប់ ចេញផ្សាយនៅថ្ងៃទី០២ ខែធ្នូ។
វិបត្តិមនុស្សជាតិនៅអ៊ីរ៉ាក់គឺជាបញ្ហាដ៏អាក្រក់មួយសម្រាប់ពិភពលោក ដោយបច្ចុប្បន្មមានមនុស្សប្រមាណ ៨,២លាននាក់ ត្រូវការជំនួយមនុស្សធម៌ ខណៈដែលមនុស្ស ៣,១លាននាក់ទទួលបានកន្លែងស្នាក់នៅ។
កូរ៉េខាងត្បួង ជាប្រទេសមួយដែលសកម្មនៅក្នុងការចូលរួមដោះស្រាយវិបត្តិមួយនេះ ដោយមួយឆ្នាំៗ បានផ្ដល់ប្រាក់ជំនួយជាច្រើនតាមរយៈអង្គការ UNICEF, WFP និង WHO ហើយនៅឆ្នាំនេះ កូរ៉េខាងត្បួងបានផ្ដល់ជំនួយសរុប ៦លានដុល្លារអាមេរិក ដល់ប្រទេសអ៊ីរ៉ាក់៕