(អាមេរិក)៖ លោក Mark Zuckerberg សហស្ថាបនិក និងជានាយកប្រតិបត្តិ Facebook បានប្រកាសនឹងបរិច្ចាគភាគហ៊ុនដែលមាននៅក្នុង Facebook ចំនួន ៩៩ភាគរយ ស្មើនឹង ៤៥ពាន់លានដុល្លារអាមេរិក សម្រាប់មូលនិធិសុខុមាលភាព នេះបើយោងតាមការចេញផ្សាយរបស់ BBC នៅថ្ងៃទី០២ ខែធ្នូ ឆ្នាំ២០១៥។
ការបរិច្ចាគនេះ ត្រូវបានធ្វើឡើងដើម្បីអបអរនៃថ្ងៃកូនស្រីរបស់លោក Mark Zuckerberg និងភរិយានាង Priscilla Chan ចាប់កំណើត ហើយត្រូវបានលោក Mark Zuckerberg ដាក់ឈ្មោះថា Max។
នៅលើទំព័រ Facebook Page របស់នាយកប្រតិបត្តិរូបនេះបានបញ្ជាក់ថា «ការបរិច្ចាគនេះគឺដើម្បីជំរុញសក្តានុពលរបស់មនុស្ស និងការលើកកម្ពស់សមភាពសម្រាប់កុមារទាំងអស់នៅក្នុងជំនាន់ក្រោយ ជាមួយនឹងមូលនិធិ Chan Zuckerberg Initiative»៕