(ម៉ូស្គូ)៖ លោក Vitaly Churkin ឯកអគ្គរដ្ឋទូតរុស្ស៊ីប្រចាំអង្គការសហប្រជាជាតិ (UN) បានថ្លែងឲ្យដឹងថា នៅពេលនេះរដ្ឋាភិបាលរុស្ស៊ី កំពុងតែធ្វើការងារជាមួយក្រុមប្រឹក្សាសន្តិសុខអង្គការសហប្រជាជាតិ ដើម្បីទប់ស្កាត់ការធ្វើពាណិជ្ជកម្ម (ជួញដូរ) ប្រេងខុសច្បាប់របស់ក្រុមភេរវករ នេះបើយោងតាមការចេញផ្សាយរបស់សារព័ត៌មាន RT ចេញផ្សាយនៅថ្ងៃនេះ។
បេសកកម្មរុស្ស៊ី ជាមួយ UN នៅពេលនេះគឺធ្វើយ៉ាងណាកម្ទេចក្រុមការផ្ដល់ហិរញ្ញប្បទានដល់ក្រុមភេរវករ ដែលរួមមានក្រុម ISIS ហើយគោលដៅធំនោះគឺធ្វើយ៉ាងណាបំបាត់ការជួញដូរប្រេងរបស់ក្រុមឧទ្ទាម ព្រោះប្រេងជាប្រភពចំណូលដ៏ធំបំផុតរបស់ក្រុមឧទ្ទាម។
គួរបញ្ជាក់ផងដែរថា រុស្ស៊ីបានអះអាងថា ក្រុមឧទ្ទាម ISIS បានលក់ប្រេងទៅឲ្យក្រុមទីផ្សារងងឹតនៅក្នុងប្រទេសតួកគី ហើយរុស្ស៊ីក៏បានបញ្ជាក់ផងដែរថា តួកគីបាញ់ទម្លាក់យន្តហោះចម្បាំងរបស់ខ្លួនគឺដើម្បីការពារការលក់ប្រេងរបស់ក្រុម ISIS ខណៈដែលប្រធានាធិបតីតួកគី អះអាងថា លោកនឹងចុះចេញពីតំណែង បើសិនជារុស្ស៊ីមានឯកសារបញ្ជាក់ថា តួកគីទិញប្រេងពី ISIS៕
លោក Vitaly Churkin ឯកអគ្គរដ្ឋទូតរុស្ស៊ីប្រចាំអង្គការសហប្រជាជាតិ (UN)
