(ប៉ាគីស្ថាន)៖ តុលាការប៉ាគីស្ថាន នៅថ្ងៃនេះ បានសម្រេចកាត់ទោសព្យួរកក្រុមសកម្មប្រយុទ្ធតាលីប៉ងចំនួន ៤នាក់ ដែលពាក់ព័ន្ធនឹងករណីបាញ់ប្រហារចូលសាលារៀនមួយកន្លែង ដោយបានសម្លាប់មនុស្សយ៉ាងរង្គាល នេះបើយោងតាមការចេញផ្សាយរបស់ BBC នៅថ្ងៃទី០២ ខែធ្នូ។
សកម្មប្រយុទ្ធតាលីប៉ងទាំង ៤នាក់ (មានស្រីម្នាក់) ត្រូវបានចាប់ខ្លួនប៉ុន្មានថ្ងៃក្រោយវាយប្រហារសាលារៀន Army Public School ដោយក្រុមស៊ើបអង្កេតបានរកឃើញឈ្មោះភេរវករទាំង៤នៅលើស៊ីតកាតរបស់ក្រុមឧទ្ទាមដែលស្លាប់នៅក្នុងករណីវាយប្រហារ។
គួរបញ្ជាក់ផងដែរថា កាលពីថ្ងៃទី១៦ ខែធ្នូ ឆ្នាំ២០១៤ ក្រុមឧទ្ទាមតាលីប៉ង បានបើកការវាយប្រហារទៅលើសាលារៀន Army Public School ស្ថិតក្នុងទីក្រុង Peshawar បណ្ដាលឲ្យមានមនុស្សស្លាប់១៥០នាក់ ក្នុងនោះស្ទើរតែទាំងអស់ជាកុមារ៕
