(អ៊ីរ៉ាក់)៖ នាយករដ្ឋមន្ត្រីអ៊ីរ៉ាក់ លោក Haider al-Abadi បាននិយាយថា កងកម្លាំងប្រយុទ្ធរបស់អ៊ីរ៉ាក់ មានលទ្ធភាពគ្រប់គ្រាន់ក្នុងការប្រយុទ្ធប្រឆាំងជាមួយក្រុម ISIS ដោយមិនចាំបាញ់មានជំនួយពីកងកម្លាំងប្រយុទ្ធបរទេសឡើយ នេះបើយោងតាមការចុះផ្សាយរបស់សារព័ត៌មាន BBC ចេញផ្សាយនៅថ្ងៃទី០២ ខែធ្នូ។
ការថ្លែងដូច្នេះ ត្រូវបានធ្វើឡើងក្រោយពេលលោក Ash Carter មន្ត្រីយោធាជាន់ខ្ពស់សហរដ្ឋអាមេរិកប្រកាសថា កងកម្លាំងពិសេសអាមេរិកនឹងត្រូវដាក់ពង្រាយនៅក្នុងប្រទេសអ៊ីរ៉ាក់ ដើម្បីត្រៀមខ្លួនប្រយុទ្ធជាមួយក្រុម ISIS។
នាយករដ្ឋមន្ត្រីអ៊ីរ៉ាក់ បានបញ្ជាក់ថា អ៊ីរ៉ាក់មិនត្រូវការកងកម្លាំងពិសេសអន្តរជាតិជួយ ប៉ុន្តែអ៊ីរ៉ាក់ត្រូវការការវ៉ឹកហាត់ អាវុធ និងប្រឹក្សាយោបលពីសហគមន៍អន្តរជាតិ ដើម្បីជាជំនួយក្នុងការប្រឆាំងក្រុមភេរវកម្ម៕
