(អាមេរិក)៖ យ៉ាងហោចណាស់មនុស្ស ១៤នាក់បានស្លាប់ និង១៧នាក់ផ្សេងទៀតរងរបួស បន្ទាប់ពីក្រុមខ្មាន់កាំភ្លើងបានបើកការបាញ់ប្រហារចូលក្នុងមជ្ឈមណ្ឌលផ្ដល់សេវាកម្មសង្គមមួយនៅក្នុងតំបន់ San Bernardino រដ្ឋ California សហរដ្ឋអាមេរិក នេះបើយោងតាមការចេញផ្សាយរបស់ BBC នៅថ្ងៃទី០៣ ខែធ្នូ។
ប៉ូលិសក្នុងតំបន់បានបញ្ជាក់ថា ហេតុការណ៍ខាងលើបានកើតឡើងនៅវេលាម៉ោងប្រមាណ ១១ថ្ងៃត្រង់(ម៉ោងក្នុងតំបន់) ថ្ងៃទី០២ ខែធ្នូ ដែលបង្កឡើងដោយក្រុមខ្មាន់កាំភ្លើង ត្រូវបានគេជឿថាមានគ្នា៣នាក់។
សាក្សីនៅកន្លែងកើតហេតុបានឲ្យដឹងថា ក្រុមខ្មាន់កាំភ្លើងបានស្លៀកពាក់ជាទាហាន បានដើរចេញពីក្នុងរថយន្ត SUV ហើយបានដើរចូលទៅក្នុងមជ្ឈមណ្ឌលផ្ដល់សេវាកម្មសង្គម San Bernardino រួចក៏បានបាញ់ប្រហារយកតែម្ដង។
ពាក់ព័ន្ធនឹងករណីនេះ គេនៅមិនទាន់ដឹងថា ជាទង្វើរបស់ខាងណានោះទេ ប៉ុន្តែវាត្រូវបានគេចាត់ទុកថា ជាអំពើភេរវកម្ម៕