(ស៊ីរី)៖ ក្រុមឧទ្ទាម ISIS បានបង្ហាញវីដេអូកាត់ក្បាលបុរសម្នាក់ជាសកម្មប្រយុទ្ធរបស់ខ្លួន ប៉ុន្តែអត្តសញ្ញាណពិតរបស់បុរសម្នាក់នេះគឺជាចារកម្មរបស់រុស្ស៊ី ហើយការកាត់ក្បាលនេះ គឺជាសារមួយដែលក្រុម ISIS ព្រមាន និងគំរាមដល់លោក Vladimir Putin និងជនជាតិរយរុស្ស៊ីទាំងអស់ នេះបើយោងតាមការចេញផ្សាយរបស់ CNN នៅថ្ងៃទី០៣ ខែធ្នូ។
«អ្នកនឹងមិនអាចស្វែងរកសន្ដិភាពបាន សម្រាប់គ្រួសាររបស់អ្នក។ យើងនឹងសម្លាប់កូនប្រុសរបស់អ្នក ម្ដងមួយៗ ហើយយើងនឹងកម្ទេចផ្ទះរបស់អ្នកចោលម្ដងមួយៗផងដែរ»។ នេះជាសាររបស់ក្រុម ISIS ព្រមានដល់លោក Putin តាមរយៈវីដេអូកាត់ក្បាលចារកម្មរបស់រុស្ស៊ី។
បើតាមការបញ្ជាក់ពីក្រុម ISIS បានឲ្យដឹងថា បុរសម្នាក់នេះ មានឈ្មោះ Magomed Khasiev វ័យ ២៣ឆ្នាំ បានចាកចេញពីប្រទេសរុស្ស៊ី និងបានមកចុះចូលជាមួយក្រុម ISIS ប៉ុន្តែក្រោយពីការតាមដានទើបដឹងថា បុរសម្នាក់នេះជាចារកម្មដែលរុស្ស៊ីបញ្ជូនមក។
គួរបញ្ជាក់ផងដែរថា រុស្ស៊ីបានបើកការវាយប្រហារតាមដែនអាកាសកម្ទេចក្រុមឧទ្ទាម ISIS នៅក្នុងប្រទេសស៊ីរីតាំងពីថ្ងៃទី៣០ ខែកញ្ញា ហើយបើកគិតមកដល់ពេលនេះមានរយៈពេលជាង ២ខែ៕
More... រុស្ស៊ីបង្ហាញភស្ដុតាងបញ្ជាក់ថា ក្រុម ISIS ជួញដូរប្រេងនៅក្នុងប្រទេសតួកគី