(កាលីហ្វូញ៉ា)៖ យោតាមការចេញផ្សាយរបស់ BBC នៅមុននេះបន្ដិចបានឲ្យដឹងថា ខ្មាន់កាំភ្លើង ២នាក់ ដែលត្រូវបានបាញ់ស្លាប់ ក្នុងករណីបាញ់ប្រហារនៅមជ្ឈមណ្ឌលផ្ដល់សេវាកម្មសង្គម ក្នុងតំបន់ San Bernardino រដ្ឋកាលីហ្វូញ៉ា សហរដ្ឋអាមេរិក ត្រូវបានស្គាល់អត្តសញ្ញាណ។
ខ្មាន់កាំភ្លើងទី១ ឈ្មោះ Tashfeen Malik វ័យ ២៧ឆ្នាំ ភេទស្រី ចំណែកខ្មាន់កាំភ្លើងទី២ ឈ្មោះ Syed Farook ដោយពួកគេទាំងពីរនាក់មានទំនាក់ទំនងគ្នា ចំណែកខ្មាន់កាំភ្លើងម្នាក់ទៀត នៅមិនទាន់ទទួលបានព័ត៌មានពីប៉ូលិសឡើយ។
គួរបញ្ជាក់ផងដែរថានៅវេលាម៉ោងប្រមាណ ១១ថ្ងៃត្រង់(ម៉ោងក្នុងតំបន់) ថ្ងៃទី០២ ខែធ្នូ មានក្រុមខ្មាន់កាំភ្លើង ត្រូវបានគេជឿថាមានគ្នា៣នាក់ ស្លៀកពាក់ជាទាហាន បានដើរចេញពីក្នុងរថយន្ត SUV ហើយបានដើរចូលទៅក្នុងមជ្ឈមណ្ឌលផ្ដល់សេវាកម្មសង្គម San Bernardino រួចក៏បានបាញ់ប្រហារយកតែម្ដង បណ្ដាលឲ្យមនុស្ស ១៤នាក់បានស្លាប់ និង១៧នាក់ផ្សេងទៀតរងរបួស៕
