(ស៊ីរី)៖ ការវាយប្រហារតាមដែនអាកាស លើរោងចក្រផលិតទឹកប្រើប្រាស់មួយកន្លែង ក្នុងប្រទេសស៊ីរី កាលពីថ្ងៃព្រហស្បតិ៍សប្តាហ៍មុន បានកាត់ផ្តាច់ការផ្គត់ផ្គង់ទឹកប្រើប្រាស់ ដល់ប្រជាពលរដ្ឋចំនួន ៣,៥លាននាក់ ហើយបើទោះបីជាផ្នែកមួយចំនួននៃម៉ាស៊ីនបូមទឹក ត្រូវបានជួសជុលឡើងវិញក៏ដោយ ប៉ុន្តែប្រជាជនប្រមាណ ១,៤លាននាក់ នៅតែគ្មានទឹកប្រើប្រាស់ដដែល នេះបើតាមការឲ្យដឹងពីប្រធានអង្គការ UNICEF នៅក្នុងប្រទេសស៊ីរី Hanaa Singer ចេញផ្សាយដោយព័ត៌មាន Reuters។
«នៅក្នុងប្រទេសស៊ីរី ច្បាប់នៃសង្គ្រាម ក្នុងនោះរួមទាំងអត្ថន័យនៃការការពារ នូវហេដ្ឋារចនាសម្ព័ន្ធស៊ីវិលផងដែរ ប៉ុន្តែវាត្រូវបានបំផ្លាញជារៀងរាល់ថ្ងៃ» នេះបើតាមសម្តីលោក Hanaa Singer បានឲ្យដឹងតាមរយៈរបាយការណ៍។ លោកបន្តថា ការវាយប្រហារតាមដែនអាកាស លើគោលដៅរោងចក្រផលិតទឹកប្រើប្រាស់ al-Khafseh នៅតំបន់ភាគខាងជើង ទីក្រុង Aleppo កាលពីសប្តាហ៍មុន គឺជាឧទាហរណ៍ដ៏គួរឲ្យខ្លាចបំផុត៕
