(ម៉ូស្គូ)៖ ប្រទេសរុស្ស៊ី និងអ៊ីស្រាអែល បានធ្វើកិច្ចជំនួបដើម្បីធ្វើកិច្ចពិភាក្សា ក្នុងគោលដៅបង្កើនកិច្ចសហប្រតិបត្តិការកាន់តែស៊ីជម្រៅពាក់ព័ន្ធនឹងបញ្ហាក្នុងប្រទេសស៊ីរី ខណៈដែលសង្គ្រាមស៊ីវិលនេះ ហាក់ទទួលការអន្តរាគមន៍កាន់តែខ្លាំងពីសំណាក់រដ្ឋាភិបាលក្រុង ម៉ូស្គូ នេះបើយោងតាមសេចក្តីរាយការណ៍របស់ភ្នាក់ងារសារព័ត៌មាន The Times of Israel ចេញផ្សាយ។
ប្រធានាធិបតីអ៊ីស្រាអែលលោក Netanyahu បានថ្លែងប្រាប់អ្នកសារព័ត៌មានថា «ខ្ញុំបានធ្វើកិច្ចជំនួបដ៏សំខាន់មួយជាមួយប្រធានារុស្ស៊ី លោក Vladimir Putin ដោយយើងបានព្រមព្រៀងគ្នាក្នុងការធ្វើកិច្ចសហប្រតិបត្តិការកាន់តែស៊ីជម្រៅរវាងប្រទេសទាំងពីរ ក្នុងគោលដៅបញ្ចៀសគ្រោះអាក្រក់នានាកុំឲ្យកើតមានឡើងក្នុងប្រទេស ស៊ីរី ហើយយើងនឹងបន្តកិច្ចការនេះក្នុងមូលដ្ឋានដ៏រឹងមាំមួយ»៕
