(អាហ្វ្រិកខាងត្បួង)៖ ប្រធានាធិបតីចិន លោក Xi Jinping នៅថ្ងៃទី០៣ ខែធ្នូម្សិលមិញនេះ បានចុះហត្ថលេខាផ្ដល់ប្រាក់កម្ចីឥណទានចំនួន ៦,៥ពាន់លានដុល្លារអាមេរិកជាមួយនឹងប្រធានាធិបតីអាហ្វ្រិកខាងត្បួងលោក Jacob Zuma នេះបើយោងតាមការចេញផ្សាយរបស់ទីភ្នាក់ងារព័ត៌មានចិនស៊ិនហួ ចេញផ្សាយនៅថ្ងៃទី០៤ ខែធ្នូ។
អាហ្វ្រិកខាងត្បួងលោក Jacob Zuma បានសាទរ និងសម្ដែងនូវអារម្មណ៍រីករាយយ៉ាងខ្លាំង ដែលរដ្ឋាភិបាលចិន បានផ្ដល់កម្ចីក្នុងការប្រាក់ទាបបំផុតយ៉ាងនេះ ហើយលោកក៏បានប្រកាសថា វាគឺជាទំនាក់ទំនងល្អដែលមិនធ្លាប់មានពីមុនឡើយ សម្រាប់ប្រទេសអាហ្វ្រិកខាងត្បួង។
នៅក្នុងគម្រោងប្រាក់កម្ចីនេះគឺផ្ដោតសំខាន់ទៅលើការសាងសងហេដ្ឋារចនាសម្ព័ន្ធនៅក្នុងប្រទេសអាហ្វ្រិកខាងត្បួងជាពិសេសគឺផ្នែកឧស្សាហកម្ម ប៉ុន្តែប្រភពមួយចំនួនទៀតបានបង្ហើបឲ្យដឹងថា ប្រទេសទាំងពីរក៏បានចុះកិច្ចព្រមព្រៀងលើគម្រោងថាមពលនុយក្លែអ៊ែរផងដែរ៕
