(វ៉ាស៊ីនតោន)៖ រូបភាពផ្កាយរណបបង្ហាញកាលពីខែតុលា និងវិច្ឆិកា បានបង្ហាញថា កូរ៉េខាងជើងកំពុងជីករូង ឬផ្លូវក្រោមភ្នំថ្មីមួយ សម្រាប់ការសាកល្បងបាញ់អាវុធនុយក្លេអ៊ែ ប៉ុន្តែគិតមកដល់ថ្ងៃនេះ មិនមានសញ្ញាណាមួយបង្ហាញថា ការធ្វើសាកល្បងនោះត្រូវបានធ្វើឡើងឡើយ នេះបើតាមវិទ្យាស្ថានស្រាវជ្រាវរបស់អាមេរិកមួយ និងត្រូវចុះផ្សាយរបស់សារព័ត៌មាន Reuters នៅថ្ងៃទី០៤ ខែធ្នូ។
នៅក្នុងរបាយការណ៍ដែលចេញផ្សាយរបស់គេហទំព័រ 38 North និងគ្រប់គ្រងដោយសកវិទ្យាល័យ Johns Hopkins បានឲ្យដឹងថា តាំងពីខែមេសាមក នៅតំបន់ Punggye-ri ស្ថិតនៅឆ្នេរភាគខាងកើតនៃប្រទេសកូរ៉េខាងជើង ជាកន្លែងដែលធ្លាប់មានការសាកល្បងនុយក្លេអ៊ែ បីដងរួចមកហើយ។
នៅក្នុងរូបភាពបានបង្ហាញថា មានការជីកផ្លូវក្រោមដីថ្មី ចំនួន៣កន្លែង ដោយតាមការសន្មត់ វាគឺជាកន្លែងទុកសម្រាប់សាកល្បងអាវុធនុយក្លែអ៊ែរ ប៉ុន្តែមកដល់ពេលនេះគឺមិនបានឃើញកូរ៉េខាងជើងបាញ់សាកល្បងឡើយ។
កាលពីថ្ងៃទី៣០ ខែតុលាកន្លងទៅនេះ ទីភ្នាក់ងារព័ត៌មានយ៉ុនហាប បានចុះផ្សាយដោយស្រង់សំដីរបស់មន្ត្រីរដ្ឋាភិបាលកូរ៉េខាងត្បួងថា កូរ៉េខាងជើងកំពុងជីកដីធ្វើរួងក្រោយដី ព្រោះតាមរយៈរូបភាពផ្ដាយរបណបានបង្ហាញរថយន្តដឹកដីជាច្រើនគ្រឿងបានធ្វើដំណើរចុះឡើង។
គួរបញ្ជាក់ផងដែរថា កូរ៉េខាងជើងបានបាញ់សាកល្បងអាវុធនុយក្លែអ៊ែរចុងក្រោយនៅកាលពីឆ្នាំ២០១៣ ហើយត្រូវបានពិភពលោកថ្ដោលទោសយ៉ាងចាស់ដៃ៕
