(អេហ្ស៊ីប)៖ មន្ត្រីសន្តិសុខអេហ្ស៊ីបបានឲ្យដឹងថា មានករណីផ្ទុះឆេះនៅក្នុងក្លឹបកម្សាន្តមួយកន្លែងនៅក្នុងតំបន់ Agouza ទីក្រុង Cairo ប្រទេសអេហ្ស៊ីប បណ្ដាលឲ្យមនុស្ស ១២នាក់បានស្លាប់ និង១៨នាក់ផ្សេងទៀតរងរបួសធ្ងន់ស្រាល នេះបើយោងតាមការចេញផ្សាយរបស់សារព័ត៌មាន Sky News នៅរសៀលថ្ងៃទី០៤ ខែធ្នូ។
បើតាមសំដីរបស់សាក្សីបានឲ្យដឹងថា ក្រុមជនមិនស្គាល់មុខបានគប់ដបស្រាក្រឡុកប្រភេទ Molotov ជាច្រើនដប ចូលទៅក្នុងក្លឹបកម្សាន្ត ដែលបណ្ដាលឲ្យមានអណ្ដាតភ្លើងឆាបឆេះឡើងតែម្ដង៕
