(បាងកក)៖ ពលរដ្ឋស៊ីរីប្រមាណជា ១០នាក់ ដែលត្រូវបានគេជឿជាក់ថាជាបណ្ដាញរបស់ក្រុមឧទ្ទាម ISIS បានចូលទៅដល់ប្រទេសថៃតាំងពីខែតុលា ដោយគោលបំណងរបស់មនុស្សមួយនេះ សំដៅវាយប្រហារទីតាំង និងកន្លែងផ្សេងៗដែលជាកម្មសិទ្ធិរបស់ប្រទេសរុស្ស៊ី នេះបើយោងតាមការចេញផ្សាយរបស់សារព័ត៌មាន Reuters ចេញផ្សាយនៅថ្ងៃទី០៤ ខែធ្នូ។
ភ្នាក់ងារសហព័ន្ធសន្ដិសុខរបស់រុស្ស៊ី បានផ្ញើឯកសារសម្ងាត់នេះទៅឲ្យរដ្ឋាភិបាលថៃ ប៉ុន្តែត្រូវបានបែកធ្លាយនៅលើបណ្ដាញសង្គមក្នុងប្រទេសថៃ ដែលវាត្រូវបានគេជឿថា ក្រុម ISIS មានបំណងសងសឹងដល់ប្រទេសរុស្ស៊ី ដែលបានវាយប្រហារក្រុមខ្លួននៅក្នុងប្រទេសស៊ីរី។
នៅក្នុងឯកសារសម្ងាត់នោះ អាជ្ញធររុស្ស៊ី បានបង្ហាញពីក្ដីបារម្ភយ៉ាងខ្លាំង និងបានស្នើឲ្យថៃបន្ដឹងផ្នែកសន្ដិសុខដើម្បី ព្រោះក្រុមនេះអាចនឹងធ្វើការវាយប្រហារនៅក្នុងពេលណាមួយច្បាស់ជាមិន
ខាន។
រុស្ស៊ីបានសង្កត់ធ្ងន់នៅក្នុងឯកសារសម្ងាត់នោះថា ជនជាតិស៊ីរីប្រមាណ ១០នាក់បានចូលទៅកាន់ប្រទេសថៃនៅចន្លោះថ្ងៃទី១៥-៣១ខែតុលា ដោយមានជនសង្ស័យ ៤នាក់បសនធ្វើដំណើរទៅកាន់តំបន់សមុទ្រ Pattaya, មាន២នាក់ទៀតបានធ្វើដំណើរទៅកាន់កោះ Phuket, ២នាក់ទៀតទៅកាន់ទីក្រុងបាងកក ចំណែកជនសង្ស័យពីរនាក់ផ្សេងទៀតមិនដឹងទិសដៅច្បាស់។
គួរបញ្ជាក់ផងដែរថា រុស្ស៊ីបានចាប់ផ្ដើមបើកការវាយប្រហារកម្ទេចក្រុម ISIS នៅក្នុងប្រទេសស៊ីរី កាលពីថ្ងៃទី៣០ ខែកញ្ញា៕
