(អាល្លឺម៉ង់)៖ សភាអាល្លឺម៉ង់ នៅថ្ងៃទី០៤ ខែធ្នូនេះ បានអនុម័តប្រើប្រាស់កម្លាំងយោធាដើម្បីកម្ទេចក្រុម ISIS នៅក្នុងប្រទេសស៊ីរី នេះបើយោងតាមការចេញផ្សាយរបស់ BBC នៅមុននេះបន្ដិច។
នៅក្នុងយុទ្ធនាការប្រឆាំងក្រុម ISIS នេះ សភាអាល្លឺម៉ង់បានអនុម័តឲ្យប្រាស់កម្លាំងយោធាទាំងជើងគោក ដែនអាកាស និងដែនទឹក ដោយមានទាហាន ១.២០០នាក់ ប៉ុន្តែអាល្លឺម៉ង់មិនចូលរួមជាក្រុមប្រទេសណាមួយឡើងសម្រាប់ការចេញប្រតិបត្តការ។
គួរបញ្ជាក់ផងដែរថា នៅថ្ងៃព្រហស្បតិ៍ម្សិលមិញនេះ សភាអង់គ្លេសបានអនុម័តឲ្យប្រើកម្លាំងយោធា ដើម្បីកម្ទេចក្រុម ISIS នៅក្នុងប្រទេសស៊ីរី ខណៈដែលបានរាំង និងរុស្ស៊ីកំពុងតែលូកដៃកប់យ៉ាងជ្រៅនៅក្នុងប្រតិបត្តិការមួយនេះ៕