(អ៊ីរ៉ាក់)៖ រដ្ឋាភិបាលអ៊ីរ៉ាក់ បានទាមទារឲ្យប្រទេសតួកគី ដកទ័ពចេញពីតំបន់ Mosul ជាបន្ទាន់ ព្រោះវាបានរំលោភដែនអធិបតេយ្យភាព ព្រោះវាជាការលុកលុយ នេះបើយោងតាមការចេញផ្សាយរបស់សារព័ត៌មាន RT ចេញផ្សាយនៅថ្ងៃទី០៥ ខែធ្នូ។
រដ្ឋាភិបាលអ៊ីរ៉ាក់ បានបញ្ជាក់ថា កងកម្លាំងតួកគីប្រមាណ ១០០នាក់ បានឈ្លានពានចូលតំបន់ Mosul ដោយនាំមកនូវរថក្រោះ កាំភ្លើងធំ ក្នុងហេតុផលថា ជាការវ៉ឹកហាត់ ប៉ុន្តែរដ្ឋាភិបាលតួកគី មិនបានជួនដំណឹងមុនទេ ហើយទង្វើនេះគឺជាការឈ្លានពានចំៗតែម្ដង ម្យ៉ាងទៀតកន្លែងដែលកងកម្លាំងតួកគីទៅនោះគឺនៅក្បែរកន្លែងកាន់កាប់របស់ក្រុម ISIS ដូច្នេះគេមិនដឹងថា តួកគីមានបំណងអ្វីនោះទេ ព្រោះថាមុននេះ រុស្ស៊ីបានអះអាងថាតួកគីមានទំនាក់ទំនងជាមួយក្រុម ISIS ក្នុងការរត់ពន្ធប្រេងខុសច្បាប់ ប៉ុន្តែបើទោះជាយ៉ាងណា ក៏រដ្ឋាភិបាលអ៊ីរ៉ាក់នៅពេលនេះ ទាមទារឲ្យតួកគីដកទ័ពជាបន្ទាន់៕
