(ប៉ារីស)៖ ប្រធានាធិបតីបារាំង លោក Francois Hollande នៅថ្ងៃទី០៤ ខែវិច្ឆិកា បានធ្វើដំណើរទស្សនកិច្ច ដើម្បីសួរសុខទុក្ខក្រុមមន្ត្រីយោធា ដែលបម្រើការងារលើនាវាផ្ទុកយន្តហោះ Charles de Gaulle ដែលបាននឹងកំពុងដាក់ពង្រាយ នៅឈូងសមុទ្ររបស់ស៊ីរី ក្នុងយុទ្ធនាការវាយប្រហារ ប្រឆាំងនឹងក្រុមឧទ្ទាមរដ្ឋឥស្លាម នេះបើតាមការិយាល័យ Elysee របស់ប្រធានាធិបតីបារាំង ចេញផ្សាយដោយទីភ្នាក់ងារព័ត៌មានចិនស៊ិនហួ នៅថ្ងៃទី០៤ ខែធ្នូ ឆ្នាំ២០១៥នេះ។
«លោកបានជួបជាមួយនឹងយោធាដែលពាក់ព័ន្ធ ដើម្បីបង្កើនប្រសិទ្ធភាពកាន់តែខ្លាំងឡើង ចំពោះការវាយប្រហារប្រឆាំងនឹង ក្រុមឧទ្ទាមរដ្ឋឥស្លាម នៅក្នុងប្រទេសស៊ីរី និងអ៊ីរ៉ាក់» នេះបើតាមរបាយការណ៍ បានបញ្ជាក់យ៉ាងដូច្នេះ។
គួររំលឹកថា កាលពីខែមុន នៅក្នុងការវាយប្រហារភេរវកម្មទ្រង់ទ្រាយធំ នៅក្នុងទីក្រុងប៉ារីស ដែលបានសម្លាប់មនុស្ស១៣០នាក់ លោក Francois Hollande បានបញ្ជាឲ្យដាក់ពង្រាយ នាវាផ្ទុកយន្តហោះរបស់បារាំង ទៅកាន់តំបន់ភាគខាងកើត នៃសមុទ្រមេឌីទែរ៉ាណេ ដើម្បីបង្កើនប្រតិបត្តិការយោធារបស់ខ្លួន ប្រឆាំងនឹងក្រុមឧទ្ទាម IS នៅក្នុងប្រទេសស៊ីរី និងអ៊ីរ៉ាក់៕
