(អ៊ីរ៉ង់)៖ រដ្ឋាភិបាលអ៊ីរ៉ង់ បានត្រៀមខ្លួនរួចជាស្រេចក្នុងការបង្ហាញភស្តុតាងនៃការជួញដូរប្រេងខុសច្បាប់រវាងតួកគី និងក្រុមឧទ្ទាម ISIS នេះបើយោងតាមការចេញផ្សាយរបស់សារព័ត៌មាន RT នៅថ្ងៃទី០៥ ខែធ្នូ។
រដ្ឋាភិបាលអ៊ីរ៉ង់ បានបញ្ជាក់ថា បានត្រៀមខ្លួនក្នុងការបញ្ជូនព័ត៌មាន ដែលមានរូបភាព វីដេអូ ពាក់ព័ន្ធនឹងការជួញដូរប្រេងខុសច្បាប់ទៅឲ្យប្រទេសតួកគី និងបង្ហាញជាសាធារណ ដែលនៅក្នុងវីដេអូ និងរូបភាពទាំងនោះ បង្ហាញពីរថយន្តដឹកប្រេងរបស់ក្រុមឧទ្ទាមចូលទៅកាន់ប្រទេសតួកគី។
គួរបញ្ជាក់ផងដែរថា មុននេះ រុស្ស៊ីក៏បានបង្ហាញភស្ដុតាងបញ្ជាក់ថា មានច្រកធំៗចំនួន៣ ដែលក្រុមឧទ្ទាម ISIS បានប្រើប្រាស់សម្រាប់ដឹកប្រេងខុសច្បាប់ចូលទៅកាន់ប្រទេសតួកគី ដោយក្នុងនោះខាងតួកគីជាឈ្មួញកណ្ដាលសម្រាប់ការជួញដូរប្រេងខុសច្បាប់នេះ៕
ព័ត៌មានបន្ថែម
ចុចអាន៖ រុស្ស៊ីបង្ហាញភស្ដុតាងបញ្ជាក់ថា ក្រុម ISIS ជួញដូរប្រេងនៅក្នុងប្រទេសតួកគី
