(មីយ៉ាន់ម៉ា)៖ ប្រធានាធិបតីមីយ៉ាន់ម៉ា លោក U Thein Sein នៅថ្ងៃសៅរ៍បានប្តេជ្ញាថា នឹងព្យាយាមឲ្យអស់ពីសមត្ថភាព ដើម្បីបង្កើតរដ្ឋាភិបាលថ្មី និងប្តេជ្ញាក្នុងការផ្ទេរអំណាចដោយរលូន ដើម្បីទទួលបានភាពជោគជ័យ សម្រាប់រដ្ឋាភិបាលបន្ទាប់ នេះបើតាមព័ត៌មាន Xinhua ចេញផ្សាយថ្ងៃទី៥ ខែធ្នូ ឆ្នាំ២០១៥នេះ។
សម្រាប់សារសាមញ្ញទៅកាន់ប្រជាជនរបស់ខ្លួន លោក U Thein Sein បានបញ្ជាក់ថា រដ្ឋាភិបាលទាំងអស់ គួរតែដាក់ចូលទៅក្នុងការពិចារណា ដើម្បីបន្តភាពជោគជ័យ ក្នុងដំណើរការផ្ទេរ និងអភិវឌ្ឍន៍ប្រជាធិបតេយ្យ នៅក្នុងប្រទេសប្រកបដោយសន្តិភាព។ លោកប្រធានាធិបតីបានជម្រុញឲ្យ គ្រប់ភាគីដែលពាក់ព័ន្ធទាំងអស់ ចូលរួមនៅក្នុងដំណើរការសន្តិភាព ដែលកំពុងបញ្ជាក់ថា កំពុងអនុវត្តន៍ក្របខណ្ឌ សម្រាប់កិច្ចពិភាក្សាគោលនយោបាយ ដែលនឹងត្រូវបង្កើតឡើងនៅពេលឆាប់ៗខាងមុខ ក្រោមការព្រាងឡើងដោយ គណៈកម្មាធិការពង្រាងក្របខណ្ឌ ពិភាក្សាពិសេសមួយ។
ក្រុមជនជាតិភាគតិចប្រដាប់ដោយអាវុធ នៅសេសសល់ ដែលមិនទាន់ចូលរួម ក្នុងការចុះហត្ថលេខាលើបទឈប់បាញ់គ្នា ទៅទូទាំងប្រទេស ត្រូវតែចុះហត្ថលេខា ហើយសហការនៅក្នុងការបង្កើតនូវកិច្ចពិភាក្សាគោលនយោបាយនេះ៕
