(យេម៉ែន)៖ អភិបាលក្រុង Aden របស់ប្រទេសយេម៉ែន លោក Jaafar Mohammed Saad បានស្លាប់ ក្រោយពេលក្រុមឧទ្ទាមបានបាញ់គ្រាប់រ៉ូកែតចូលក្បូនរថយន្ដរបស់លោក ស្ថិតនៅតំបន់ Tawahi ដោយក្នុងនោះកងការពារ ៦នាក់ក៏បានស្លាប់ដែរ នេះបើយោងតាមការចេញផ្សាយរបស់សារព័ត៌មាន Reuters នៅថ្ងៃទី០៦ ខែធ្នូ។
ទង្វើនេះត្រូវបានគេជឿជាក់ថា ជាស្នាដៃរបស់ក្រុមឧទ្ទាម Houthi ព្រោះមួយរយៈពេលចុងក្រោយនេះ ក្រុមនេះបានរ៉ឹបអូសយកកន្លែងសំខាន់ៗមួយចំនួននៅក្នុងប្រទេសយេម៉ែន ហើយក្រុង Aden ទើបតែត្រូវបានក្រុមចម្រុះរបស់រដ្ឋាភិបាលរំដោះបានមកវិញ៕