(យេម៉ែន)៖ ក្រុមឧទ្ទាម ISIS បានពេញមុខអះអាងថា ការបាញ់គ្រាប់រ៉ូកែតបំផ្ទុះក្បូនរថយន្តអភិបាលក្រុម Aden ប្រទេសយេម៉ែន គឺជាទង្វើរបស់ខ្លួន នេះបើយោងតាមការចេញផ្សាយរបស់សារព័ត៌មាន AFP ចេញផ្សាយនៅមុននេះបន្ដិច។
គួរបញ្ជាក់ផងដែរថា អភិបាលក្រុង Aden របស់ប្រទេសយេម៉ែន លោក Jaafar Mohammed Saad បានស្លាប់ ក្រោយពេលក្រុមឧទ្ទាមបានបាញ់គ្រាប់រ៉ូកែតចូលក្បូនរថយន្ដរបស់លោក ស្ថិតនៅតំបន់ Tawahi ដោយក្នុងនោះកងការពារ ៦នាក់ក៏បានស្លាប់ដែរ៕