(វេណេហ្ស៊ូអេឡា)៖ គណបក្សប្រឆាំងនៅប្រទេស វេណេហ្សូអេឡា ទទួលបានសម្លេងគាំទ្រខ្ពស់ ក្នុងការបោះឆ្នោតសភា នេះបើយោងប្រភពពីក្រុមប្រឹក្សា រៀបចំការបោះឆ្នោតជាតិ ដកស្រង់ដោយសារព័ត៌មាន ចិនស៊ិនហួ ចេញផ្សាយនៅយប់ថ្ងៃទី០៧ ខែធ្នូ ឆ្នាំ២០១៥នេះ។
លោក Tibisay Lucena ប្រធាន CNE បានឲ្យដឹងថា គណបក្ស Democratic Unity Roundtable ហៅកាត់ថា MUD ទទួលបាន៩៩អាសនៈ ក្នុងចំណោម ១៦៧អាសនៈក្នុងសភា ខណៈដែលបក្ស United Socialists Party ដែលគាំទ្រប្រធានាធិបតី កំពុងកាន់អំណាច ទទួលបានសម្លេងត្រឹមតែ ៤៦អាសនៈតែប៉ុណ្ណោះ។ លោក Lucena បន្តថា ចំណែកអាសនៈចំនួន ២២ផ្សេងទៀត មិនទាន់បានបញ្ជាក់ថា តើជារបស់គណបក្សណាខ្លះនោះទេ។
លទ្ធផលនេះ បានពង្រឹងភាពខ្លាំង របស់បក្សប្រឆាំងទល់នឹងប្រធានាធិបតី Nicolas Maduro បើទោះបីជាភាពជោគជ័យនេះ មិនច្រើនដូចអ្វីដែលបក្ស MUD បានរំពឹងទុកក្តី៕