(អាមេរិក)៖ បេក្ខភាពប្រធានាធិបតីអាមេរិក មកពីគណបក្សសាធារណរដ្ឋ លោក Donald Trump បានអំពាវនាវឲ្យបញ្ឈប់ការហូរចូលនូវជនជាតិម៉ូស្លីម មកលើទឹកដីអាមេរិក បន្ទាប់ពីមានការបាញ់ប្រហារនៅរដ្ឋការលីហ្វូញ៉ា បណ្ដាលឲ្យមនុស្ស១៤នាក់ស្លាប់ និង២១នាក់របួស ពីសំណាក់ខ្មាន់ភ្លើងជាប្ដីប្រពន្ធជនជាម៉ូស្លីម និងជាអ្នកគាំទ្រក្រុម ISIS នេះបើយោងតាមការចេញផ្សាយរបស់ BBC នៅថ្ងៃទី០៨ ខែធ្នូ។
លោក Donald Trump បានថ្លែងនៅក្នុងសេចក្ដីថ្លែងការណ៍យុទ្ធនាការឃោសនាសំឡេងឆ្នោតថា «ការបិទព្រំដែននៅតែបន្ត រហូតដល់អ្នកតំណាងប្រទេសយើងអាចដោះស្រាយចេញ»។ ដោយការឃោសនានេះ ត្រូវបានអ្នកគាំទ្ររបស់លោកទះដៃសាទរយ៉ាងច្រើនសន្ធឹក។ លោក Trump ក៏បានបញ្ជាក់ផងដែរថា បច្ចុប្បន្នមានជនជាតិម៉ូស្លីមប្រមាណ ២៥ភាគរយ បាននិងកំពុងរស់នៅលើទឹកដីសហរដ្ឋអាមេរិក។
គួរបញ្ជាក់ផងដែរថា ប្រធានាធិបតីសហរដ្ឋអាមេរិកលោក បារ៉ាក់ អូបាម៉ា បានប្រកាសថា នឹងកម្ទេចក្រុម ISIS បន្ទាប់ពីមានការវាយប្រហារនៅរដ្ឋកាលីហ្វូញ៉ា៕