(បាងកក)៖ អាជ្ញធរថៃ បានចាប់ខ្លួនសកម្មជនតវ៉ាប្រឆាំងរដ្ឋប្រហារ ដែលជានិស្សិតជាច្រើនរូប បន្ទាប់ពីពួកគេបានមកជួបជុំគ្នានៅឧទ្យាន Rajabhakti Park កាលពីថ្ងៃចន្ទម្សិលមិញនេះ ដើម្បីទាមទារឲ្យមានលិទ្ធិប្រជាធិបតេយ្យ នេះបើយោងតាមការចេញផ្សាយរបស់កាសែតបាងកកប៉ុស្ដិ៍ចេញផ្សាយនៅថ្ងៃអង្គារ ទី០៨ ខែធ្នូ។
ក្រុមសកម្មជនដែលជានិស្សិតតាំងនោះ បានហោះខ្លួនឯងថា «សិក្សាប្រជាធិបតេយ្យ» និងបានមកជួបជុំគ្នានៅមុខឧទ្យាន Rajabhakti Park ហើយក្រោយមកត្រូវបានកម្លាំងទាហានថៃចាប់ខ្លួន ដោយមានមនុស្សប្រមាណជាង ៦០នាក់ ប៉ុន្តែក្រោយមកមានមនុស្សមួយចំនួនត្រូវបានដោះលែងវិញ ក្រោយពេលដែលពួកគេបានចុះហត្ថលេខាឈប់ចូលរួមនៅក្នុងសកម្មភាពតវ៉ាប្រឆាំងនានា។
ក្រៅពីនេះ មានក្រុមនិស្សិតមួយចំនួនទៀតបានធ្វើដំណើរទៅកាន់កន្លែងផ្សេង ដោយគោលដៅតវ៉ាប្រឆាំងដូចគ្នា ប៉ុន្តែទីតាំងដែលពួកគេនឹងជួបជុំគ្នានោះនៅមិនទាន់ដឹងប្រាដកឡើយ គ្រាន់តែដឹងថា ពេលនេះពួកគេកំពុងប្រើបណ្ដាញសង្គមដើម្បីទាក់ទងគ្នា និងបានប្រកាសថា ពួកគេសង្ឃឹមថានឹងមានមនុស្សជាង ២០០នាក់មកជួបជុំនៅមុខស្ថានទូតអាមេរិក៕