(កេបិច)៖ យន្តហោះរបស់ក្រុមហ៊ុនអាកាសចរណ៍ Air France ធ្វើដំណើរពីទីក្រុងសាន់ហ្វ្រង់ស៊ីស្កូ សហរដ្ឋអាមេរិក ទៅកាន់ទីក្រុងប៉ារីស ប្រទេសបារាំង បានប្ដូរទិសដៅទៅកាន់ប្រទេសកេបិច បន្ទាប់ពីទទួលបានដំណឹងគំរាមកំហែងអនាមិកមួយ នេះបើយោងតាមការចេញផ្សាយរបស់សារព័ត៌មាន CNN នៅមុននេះបន្ដិច។
យន្តហោះជើងហោះហើរ Flight AF083 ផ្ទុកអ្នកដំណើរ ២៣១នាក់ និងសហានាវិក ១៥នាក់ បានចុះចតនៅអាកាសយានដ្ឋាន Montréal-Pierre Elliott Trudeau International Airport ហើយបើតាមការបញ្ជាក់ពីអ្នកនាំពាក្យក្រុមហ៊ុនអាកាសចរណ៍បានឲ្យដឹងថា អ្នកដំណើរទាំងអស់មានសុវត្ថិភាព។
គួរបញ្ជាក់ផងដែរថា កាលពីខែមុន យន្តហោះក្រុមហ៊ុនអាកាសចរណ៍ Air France ចំនួនពីរគ្រឿងត្រូវបានប្ដូរទិសដៅ ក្រោយពេលទទួលបានព័ត៌មានគំរាមបំផ្ទុះគ្រាប់បែក៕