(ម៉ូស្គូ)៖ អ្នកកាសែតរុស្ស៊ី ត្រូវបានអាជ្ញាធរតួកគីចាប់ខ្លួន និងបញ្ជូនទៅវិញ បន្ទាប់ពីព្យាយាមចូលមកកាន់ប្រទេសតួកគីដើម្បីស៊ើបអង្កេតរឿង ក្រុម ISIS រត់ពន្ធប្រេងខុសច្បាប់នៅក្នុងប្រទេសតួកគី នេះបើយោងតាមការចេញផ្សាយរបស់សារព័ត៌មាន RT នៅរសៀលថ្ងៃទី០៩ ខែធ្នូ។
លោក Alexander Buzaladze ជាអ្នកឆ្លើយឆ្លងព័ត៌មានពិសេសរបស់ទូរទស្សន៍ Rossiya 1 TV និងសហការិ ត្រូវបានអាជ្ញាធររុស្ស៊ីចាប់ខ្លួននៅព្រំដែនប្រទេសស៊ីរី បន្ទាប់ពីពួកគេទទួលបានបេសកកម្មឲ្យធ្វើការស៊ើបអង្កេតករណីរត់ពន្ធប្រេងខុសច្បាប់របស់ក្រុម ISIS។
ការចាប់ខ្លួនអ្នកកាសែតនេះ ត្រូវបានមន្ត្រីការទូតរុស្ស៊ី សម្ដែងការព្រួយបារម្ភអំពីសិទ្ធិសេរីភាពរបស់អ្នកសារព័ត៌មាននៅក្នុងប្រទេសស៊ីរី។
គួរបញ្ជាក់ផងដែរថា រុស្ស៊ី និងអ៊ីរ៉ាក់បានបង្ហាញភស្ដុតាងជាច្រើន ដែលបញ្ជាក់ថារថយន្តដឹកប្រេងរបស់ក្រុម ISIS បានបើកឆ្ពោះទៅកាន់ប្រទេសតួកគី ដើម្បីលក់ចេញបន្ត ប៉ុន្តែការចោទប្រកាន់នេះ ត្រូវបានរដ្ឋាភិបាលតួកគីច្រានចោល៕
