(បាងកក)៖ ឯកអគ្គរដ្ឋទូតសហរដ្ឋអាមេរិកប្រចាំប្រទេសថៃកំពុងស្ថិតនៅក្រោមការស៊ើបអង្កេតពីបទបរិហារកេរ្តិ៍រាជវង្ស នៅក្នុងការអត្ថាធិប្បាយមួយដែលបានធ្វើការរិះគន់ ចំពោះការកាត់ទោសដាក់ពន្ធនាគាររយៈពេលវែង ទៅលើច្បាប់ប្រមាថស្តេច នេះបើយោងតាមការចេញផ្សាយរបស់សារព័ត៌មាន AFP នៅថ្ងៃទី០៩ ខែធ្នូ។
តាមច្បាប់នៅក្នុងប្រទេសថៃ ជនដែលប្រមាថរាជរង្សនឹងត្រូវប្រឈមមុខផ្ដន្ទាទោសជាប់គុកចំនួន ១៥ឆ្នាំ ដែលការកំណត់នេះហើយទើបធ្វើឲ្យលោក Glyn Davies ឯកអគ្គរដ្ឋទូតសហរដ្ឋអាមេរិកប្រចាំប្រទេសថៃ លើកមកនិយាយកាលពីថ្ងៃទី២៧ ខែវិច្ឆិកា ដោយបានរំលោភលើមាត្រា១១២ នៃរដ្ឋធម្មនុញ្ញប្រទេសថៃ។
ពាក់ព័ន្ធនឹងករណីខាងលើនេះ ប៉ូលិសថៃបានប្រាប់សារព័ត៌មាន AFP ថា ក្រុមជំនាញកំពុងតែធ្វើការស៊ើបអង្កេត ប៉ុន្តែមិនអាចបញ្ជាក់បានថា ការស៊ើបអង្កេតនោះមានឈានដល់ដំណាក់កាលណាហើយនោះទេ៕
