(ប៉េកាំង)៖ យោងតាមព័ត៌មាន Xinhua ចេញផ្សាយនៅយប់ថ្ងៃទី៩ ខែធ្នូ ឆ្នាំ២០១៥នេះ បានឲ្យដឹងថា ក្រុមប្រឹក្សារដ្ឋ, គណៈរដ្ឋមន្ត្រីចិន បានប្រកាសធ្វើការផ្លាស់ប្តូរ ក្រុមមន្ត្រីជាន់ខ្ពស់ នៃរដ្ឋាភិបាលរបស់ខ្លួន នៅថ្ងៃពុធម្សិលមិញ។ លោក Peng Shujie ត្រូវបានតែងតាំងជាអគ្គលេខាធិការរង នៃក្រុមប្រឹក្សារដ្ឋ ហើយនឹងមិនមានពេលយូរទៀតនោះទេ ក្នុងការកាន់តួនាទីជា និពន្ធនាយករងនៃភ្នាក់ងារព័ត៌មាន Xinhua។
ក្រុមប្រឹក្សារដ្ឋបានតែងតាំងលោក Li Ji អនុប្រធាន នៃបណ្ឌិតសភាអភិបាលកិច្ចចិន ជំនួសលោក Hong Yi ដែលត្រូវបានដកចេញពីតំណែង។ លោក Luo Yulin ត្រូវបានតែងតាំងជាប្រធានក្រុមប្រឹក្សា នៃអ្នកត្រួតពិនិត្យសហគ្រាសខ្នាតធំ ជាកម្មសិទ្ធរបស់រដ្ឋ។ ស្របពេលជាមួយគ្នានេះដែរ លោក Yang Yuanyuan ត្រូវបានបណ្តេញចេញពីតំណែង ជាអនុប្រធានរដ្ឋបាលរដ្ឋ នៃសុវត្ថិភាពការងារ ហើយលោក Yao Gang ក៏ត្រូវបានដកចេញតំណែងជាអនុប្រធានគណៈកម្មាធិការមូលធនបត្រ របស់ប្រទេសចិនផងដែរ៕