(បាងកក)៖ រោងចក្រផលិតគ្រឿងបន្លាស់រថយន្តម្នាក់ អាចនឹងត្រូវប្រឈមមុខជាប់គុក ៣២ឆ្នាំ បន្ទាប់ពីរូបគេបានចុច «Like» លើរូបភាពស្ដេចនៃប្រទេសថៃ ជាមួយនឹងអត្ថបទញុះញង់ ពាក់ព័ន្ធនឹងក្រុមនិស្សិតតវ៉ាប្រឆាំងរដ្ឋប្រហារនៅឧទ្យាន Rajabhakti Park នេះបើយោងតាមការចេញផ្សាយរបស់កាសែតបាងកកប៉ុស្ដិ៍ចេញផ្សាយនៅថ្ងៃទី១០ ខែធ្នូ។
លោក Thanakorn Siripaiboon វ័យ ២៧ឆ្នាំ ត្រូវបានតម្រួតថៃចាប់ខ្លួននៅក្នុងផ្ទះរបស់លោកក្នុងខេត្ត Samut Prakan ក្រោមបទចោទប្រកាន់បំបះបំបោរ និងប្រមាថរាជវង្ស រួមទាំងបទឧក្រិដ្ឋតាមប្រព័ន្ធកុំព្យូទ័រ។
លោក Burin Thongprapai មន្ត្រីផ្នែកច្បាប់សម្រាប់ក្រុមប្រឹក្សាជាតិដើម្បីសន្តិភាព និងសណ្តាប់ធ្នាប់ បានបញ្ជាក់ថា យោងតាមច្បាប់រដ្ឋធម្មនុញ្ញថៃ ការប្រមាថរាជវង្ស ប្រឈមមុខនឹងការជាប់គុក ១៥ឆ្នាំ ហើយបុរសម្នាក់នេះ អាចចាប់គុកដល់៣៥ឆ្នាំ ព្រោះគេមានបទល្មើសច្រើន, ញុះញង់, ប្រមាថរាជរង្ស និងឧក្រិដ្ឋកម្មតាមប្រព័ន្ធកុំព្យូទ័រ។
លោក Thanakorn បានសារភាពថា លោកពិតជាបានចុច «Like» និងបង្ហោះរូបព្រះមហាក្សត្រ ព្រមទាំងអត្ថបទដែលនិយាយពីការតវ៉ាប្រឆាំងរដ្ឋប្រហារពីសំណាក់និស្សិតនៅឧទ្យាន Rajabhakti Park គោលបំណងគឺញុះញង់ដល់ក្រុមនិស្សិត៕
