(ប៉ារីស)៖ មានករណីផ្ទុះអាវុធបាញ់តបតគ្នាដ៏ខ្លាំងក្លាមួយបានកើតឡើងនៅជាយក្រុងប៉ារីស ក្នុងអំឡុងពេលប្រតិបត្តិការឆ្មក់បង្ក្រាបភេរវកម្ម នេះបើយោងតាមការចេញផ្សាយរបស់ BBC និង CNN ជាបន្តបន្ទាប់។
Live Update ព័ត៌មាន៖
* ភេរវករ ៧នាក់ត្រូវបានចាប់ខ្លួន ខណៈខ្មាន់កាំភ្លើងម្នាក់ដែលកំពុងសំងំខ្លួននៅក្នុងអគារ Saint-Denis apartment គឺជាសកម្មជនពាក់ព័ន្ធនឹងវាយប្រហារនៅទីក្រុងប៉ារីស នេះបើយោងតាម Sky News។
* ប្រតិបត្តិការបង្ក្រាបនៅភាគខាងជើងបារាំង៖ ភេរវករ ៥រូបត្រូវបានចាប់ខ្លួន ខណៈដែលភេរវករ៣នាក់ ត្រូវបានស្លាប់ និងរបួសប៉ូលិស៤នាក់។
* ប្រតិបត្តិការបង្ក្រាបនៅភាគខាងជើងបារាំង៖ ស្លាប់ភេរវករ៣នាក់, ចាប់ខ្លួនបាន២នាក់ និងរបួសប៉ូលិស៤នាក់។
* សារព័ត៌មានបារាំង បានរាយការណ៍ថា ស្រ្តីម្នាក់ដែលបំពាក់ខ្សែក្រវ៉ាត់គ្រាប់បែកអត្តឃាត ត្រូវបានស្លាប់នៅក្នុងហេតុការណ៍បាញ់ប្រហារនេះ។
* មានឮសូរសំឡេងផ្ទុះយ៉ាងខ្លាំង និងជាច្រើនដង នៅកន្លែងបាញ់ប្រហារគ្នា សង្ស័យជាការបំផ្ទុះគ្រាប់បែក នេះបើយោងតាមការចេញផ្សាយរបស់ AP។
* ទាហានបារាំងជាច្រើននាក់ទៀតបានមកដល់កន្លែងបាញ់ប្រហារ នេះបើយោងចេញផ្សាយរបស់ CNN។
* សារព័ត៌មាន AFP បានរាយការណ៍មកថា មានមនុស្សម្នាក់ស្លាប់នៅក្នុងហេតុការណ៍បាញ់ប្រហារនេះ។
* ប៉ូលិស ៣នាក់រងរបួស និងជនសង្ស័យ ២រូបត្រូវបានចាប់ខ្លួន។
